Snart juleferie!

Klubben tar snart juleferie, og siste treningsdag før jul blir tysdag 19. desember.

Oppstart for alle partier etter nyttår blir i uke 2 (tysdag 9. januar torsdag 11. januar). 

Frist for bestilling av klubbkle

Fristen for å bestille klubbkle er søndag 17. desember. Informasjon om kolleksjonen og bestilling finn de her: https://voldatkd.no/node/19406.

Nissetrening på barnepartiet

Tysdag 19. desember blir det nissetrening for barna til vanleg treningstid! Møt i Taekwon-Do-drakt og nisselue og bli med på ei kjekk trening! Gi beskjed om nokon har allergiar eller intoleransar. 

Juleavslutning for ungdom/vaksne

Torsdag 21. desember samlast ungdom/vaksne-partiet på Marias restaurant i Volda for ein sosial kveld med god mat. Klubben har bestilt bort frå kl. 19:00. Gi beskjed til Jon eller svar i Facebook-gruppa om du blir med eller ikkje. 

Barnepartiet frå nyttår (Oppdatert 20. desember)

Barnepartiet begynner å bli stort og vi ønsker å legge best mogleg opp til dei ulike pensuma og oppfølging av barna. Derfor har klubben beslutta å dele partiet i to, med ei gruppe på tysdagar og ei gruppe på torsdagar. Vi vil hovudsakelig følge denne inndelinga:

• Tysdagar kl. 18:00 - 19:00: Barn kvitt belte 1-3 striper
• Torsdagar kl. 18:00 - 19:00: Barn kvitt belte 0-1 striper

Dette blir ei prøveordning fram til påskegraderinga, og vi håpar denne inndelinga passar for dei fleste. I overgangen må dei som har ei stripe på kvitt belte altså velge kva parti dei ønsker å trene på, og ein kan berre tilhøyre eit parti fast. Om den dagen de er satt opp på ikkje passar, er det berre å ta kontakt.

Tusen takk for eit flott Taekwon-Do år!

Vi ønsker både medlemmar, føresette og støttespelarar ei God Jul og eit Godt Nytt År, og vi ser fram til eit fantastisk 2024!